吞拿魚芝士汁長通粉

吞拿魚芝士汁長通粉

食譜材料:：

長通粉 2人份(我唔知你食幾多..自己度啦w)

吞拿魚 1罐

淡忌廉 200M L

碎芝士 50G (睇你想要幾濃味!其實可以再加!!)

1)   平底煲煲滾水加小許油及鹽，將長通粉煮成８成熟，瀝水待機。

2)   平底煲以中至小火加入淡忌廉及芝士，以慢火將芝士煮溶，與忌廉混合，煮到杰身。(記得要用中至小火，而且要KEEP住攪拌，因為會痴底！)

3)   長通粉加入芝士忌廉汁內拌勻，平以小火繼續慢煮！（留意有冇痴底，可以加入小量既水或者雞湯調稀！）

4)   吞拿魚罐頭用叉叉鬆，並加入煲內與長通粉混合，加入小去鹽調味即成！

＊    芝士種類無限，我自己用左超市買用黎焗Pizza既碎芝士，再加小小濃身既車打芝士調汁！其實你鐘意芝士用藍芝士都得架！！(不過好貴，而且唔係個個接受到……)

＊    你可以倒入焗盤再係面加芝士烘面食仲爽！！(小心”辣”到條脷呀….)

＊    其實可以加多小蘆筍或者係西蘭花，可惜我雪櫃岩岩冇，所以……