燒牛肉丼配蛋

燒牛肉丼配蛋

    就咁睇有D似吉野家牛肉飯，不過唔係呢~仿吉野家牛肉飯已經做過喇~~請翻前看w都係用番上次用過既韓式燒牛肉汁醃，不過今次加左小小酒同味醂，同埋肥牛比較薄，易索汁，配飯一流！感覺有小小似食緊韓燒w蛋既做法本黎想up圖，但因為尋日得一個人係屋企得一對手，冇人可以幫我影相so….Later－v－依隻蛋既食譜仲有好多~~流心流心＊v＊！！

材料:

肥牛

醃料:

韓式燒肉汁

味醂

料理酒

蛋

白醋

小許鹽

1)   肥牛用醃料醃半小時

2)   平底鑊下小許油，以中火將牛肉煎熟(最好煎乾身小小香口D!!)

3)   平底煲煲滾一煲滾水，轉至中火，下1茶匙鹽及醋，用木匙或任何武器將水打圈拌～～（姐係打圈咁攪下攪下@___@）

4)   蛋打落碗，一邊將水打圈拌一邊係中間倒下蛋，就會見到蛋包將蛋黃包住易唔散開@口@?!

5)   煮至你想要既熟度(蛋黃既流心程度~~我就預大概1~ 2M IN就OK)然後熄火撈起放係飯面就OK~~

＊ 你可以用打邊爐用果D篩協助你兜住隻蛋慢慢煮

＊ 隻蛋可能會有小許既醋味，如果唔喜歡可以用廚房紙印一印就冇喇！

我用既燒肉汁牌子!