西蘭花忌廉湯

西蘭花忌廉湯

我講過啦，要對付唔食菜既老公，其實首要條件就係將蔬菜同肉類結合，然後暗地裡將菜既份量提升，相反肉就減小，咁樣就可以將一個肉食獸打做成一個會食菜既獸w所以今次就係將平凡既忌廉湯變成菜蓉忌廉湯…你冇得走喇掛w

材料:

西蘭花 1個

薯仔 1個(中型或者小型都得~)

淡忌廉 120M L(或者一半鮮奶一半忌廉都得)

雞湯 500M L

1) 先將雞湯煮滾,西蘭花切小件,薯仔去皮切小件

2) 將西蘭花同薯仔放落雞湯煮至淋身(一般10~ 15M IN)

3) 將已煮淋既西蘭花,薯仔連同雞湯放落攪拌機打勻變菜蓉。

4) 倒番落小煲小火煮熱，加入忌廉拌勻，飲得！

＊    食譜冇加鹽，因為雞湯本身鹹，如果覺得淡身可以加番！

＊    食譜可以唔落薯仔，剩打菜蓉，不過湯會稀身，可以加麵粉調杰，但係同開生粉一樣，係滾水先開稀麵粉再加入湯！