日式叉燒

日式叉燒

今次依個日式叉燒，完成之後除左想大聲講一句，阿媽我得左喇！！！之外另外就係想快D試整第二次!!繼上次整左糖心蛋之後,心思思一直想整日式叉燒既我,經歷左一次失敗,所以依個星期係谷底(都係冇出食譜既原因),卒之尋日再開爐!!!成份同上網其他食譜會有唔同,因為我只係將就番我屋企本身有既用料同埋我既直覺(其實我都好怕死)所以今次既成功一定要多謝阿媽T____T

*和露入面有味醂成份!所以其他食譜可能會要加味醂~所以我冇加,同埋我用果隻係比較濃縮D?!如果用其他和露可以要加份量!另外蔥同薑….我整完先記得冇落XD!!所以大家可以只行選擇加唔加~因為我覺得唔大分別一一)

同埋同埋我屋企冇壓力煲,所以只係靠慢火煮!同其他食譜有分別!!!

豬梅頭 (我唔知幾重=.=我行埋去叫30蚊..我諗,可以再多D你行埋豬肉佬叫4,50蚊啦XD因為要卷起架!多D都OK!)

棉繩 1卷(記住係棉繩!!我既失敗就係關條繩事=.

和露 250M L

水 150M L

紹興酒 10M L

1)豬梅頭肉買番黎首先睇下佢係唔係厚~如果厚就係中間介開成一大片,如果本身唔厚,就用槌槌槌槌鬆佢~~(其實佢槌完都會大件左@__@).

2)然後卷起佢…點卷..總之就卷腸粉咁卷-____-再用棉繩紮實佢~最好紮實D~唔係會散@__@

3)小煲落油開中火,將紮用既肉擺落去煎~煎到全條金黃色!然後落和露,水同酒用小火慢慢煮(因為我依個份量只係浸到佢既一半!所以小火煮半小時之後~再轉另一邊都係煮半小時~~)

4)用碗或者盒倒起汁~~浸住條肉..浸1日左右就食得!!(唔浸1日冇咁入味姐..唔會爆炸架HOHOHO~~~~)

＊ 可能真係同真正既叉燒做法有分別..但係煮食依D野,都係事在人為架姐XD只要食得開心就OK啦係咪一V一