蝦蝦可樂餅

蝦蝦可樂餅

俾個埋怨我不合時出食譜令到一關facebook就肚餓w今日一於晨咁早出ww一直都好想將依個可樂餅從做..因為其實已經做過1次,

不過因為果次因為想試試光波爐的烤焗功能,做出來的可樂餅唔係太夠金黃色而且有點爛爛....T_T...所以今次再重新做過..

可惜整好第二日就遇著我同我老公病重Orz...

幸好炸物未炸前放雪櫃是可行的..於是就到今日先拎出黎炸.

可樂餅其實就是炸薯餅~佢既款式可以話係千變萬化~~

可樂餅我不只整過1次~依個係我最喜歡既款式!

材料：(5件份量)

薯仔 1個

蝦 80G

蛋 1隻

麵包糠

麵粉

蛋液

1)將薯仔蒸熟壓成蓉...

*我建議如果有微波爐可以用微波爐叮到薯仔變淋身,如果冇就蒸..如果真係唔蒸可以用滾水烚,

不過如果用烚的話,薯仔壓成蓉後可用平底鑊無油咁將薯仔蓉輕炒~蒸發佢入面既水份,唔炒都可以擺佢係到

等佢自己蒸發....除你啦@__@"

2)將蛋烚熟切粒粒~~蝦仁切粒粒炒熟,落小小鹽調味

3)薯仔蓉加入蛋粒,蝦粒拌好,加小量鹽及胡椒調味拌好.

4)然後將混合薯蓉握成你要既形狀

*握既時候可以係手上面沾小小粉或者油,以免佢痴手..!

5)握好形狀之後,麵粉>蛋液>麵包糠順序沾好

6)以油溫180度炸至金黃色~即成~~