芋圓西米露

芋圓西米露

前日同朋友傾開台灣,其實認識我耐D既人都會知道我係好鐘意台灣,除左食物之外佢既地方好多小事物我都好鐘意,所以我先可以1件去左3次台灣w去台灣之前我只係食過一次芋圓,就係好耐之前有棉花冰我見到芋圓好似好得意~於是就點左,,,雖然到最後都係中左伏難食到pk..但基於我個人本質都係好鐘意食芋頭,所以我認為我都係要自己整下..彌補我果次食芋圓既杯具...

講完我又好掛住台灣D夜市小食...媽啊=.=

*食唔哂唔好煮咁多,可以搵保鮮紙包起,食幾多煮幾多,因為擺得耐或者浸⋯⋯得耐會變淋唔好食...(此人又中伏..)

材料:

芋頭 200G

蕃薯粉 60G

生粉 20G

砂糖 5匙

清水 20M L

1)首先將芋頭切粒,中火蒸20MIN至淋,可以壓食芋泥!

2)放入大碗壓成芋泥,加入糖,蕃薯粉及生粉,混合搓好再慢慢加水~(水份量唔一定岩,如果你搓到乾身就可以加多D!)

3)混合後搓5MIN左右(確定混合好!)就可以分成小份搓成條狀切粒`~(如果你想整靚D可以搓番圓個邊邊)

4)煲起滾水調去中火,放入芋圓煮至浮面再等大概2MIN就食得喇!

芋圓其實配料.好多時都係拎黎配番豆花紅豆沙綠豆沙之類...今次我揀左西米露...因為我鐘意食=W=...去

西米露

材料:

西米500g

冰糖 100g

椰汁 200 ml

6杯水

1)先將西米沖水洗洗,煲好一大煲滾水放入西米,中火上蓋煮5min,然後熄火唔好開蓋,焗多5min

2)打開蓋睇下仲有冇白點,有就開番火煮1min左右上蓋再焗!

3)煮好後用篩裝起然後過冷河(直接開水後沖!!!)

4)用煲煲大概6杯水,加入冰糖煮溶變糖水..再加椰漿煮滾,加入西米...cool~~