黑糖椰汁糕

黑糖椰汁糕

椰汁糕依種甜品,如果係甜品店或是茶樓都會出現,但係到底佢係點整呢？係一次真係好偶然既機會之下，我屋企獲得左兩盒既鷹粟粉，因為擺左係到太耐我又唔想浪費左佢，於是就係網上搵左D食譜,原來椰汁糕就係用鷹粟粉做既,第一次做既時候=.=因為唔識所以失敗..最後只係得一半成功,之後再整一次.調整過份量就出爐喇!又滑又好味!如果你鐘意西米，仲可以煮埋西米放入去架！

不過因為我用既係黑糖，唔想蓋過椰汁味所以糖份量比較小！轉番白糖的話，份量可以加到30g左右!不過睇番你自己喜歡幾甜!我自己鐘意就淡身D!

鷹粟粉 85G

椰漿 200M L

花奶 80G

水 2.5杯/ 620M L

黑糖 100G

1) 椰漿加入鷹粟粉慢慢拌勻,(*可以逐小逐小加入!慢慢拌勻!因為好容易結塊!)

2) 然後加入花奶繼續拌勻!

3) 煲滾水加入糖變糖水,然後慢慢入加2既混合物拌勻

4) KEEP住攪拌至大滾(咁樣會滑D!)

5) 熄火倒入模待涼就放入雪櫃(要放好耐先會涼架!),雪到變糕狀就可以食!