醬油鹽麴三文魚飯糰

其實一直都好想試試做飯糰~~之前做過一次因為樣子唔討好於是壽司醋一直放在櫃裡冇用…近黎追看韓國的節目~超人回來了~入面秋小愛的媽媽每早出門前都做飯糰俾吃貨小愛食~~望住佢將唔同材料拌入飯裡面搓幾下~~小愛就大啖大啖放入口~~~感覺好似好好食~~

於是難得老公ORDER唔好整咁飽既野俾佢食..就試做飯糰喇!

食譜材料:

三文魚柳 1條

粟米 4湯匙

飯素 小許

米 1 2/1杯

壽司醋 適量

1)將米同平時一樣煮飯方式煮好..加入壽司醋拌勻,待涼

*每人喜歡不同的味道,我自己會加多小小.令米較黏身~~

2)三文魚柳塗上醬油鹽麴醃5MIN,然後煎熟,去皮,用叉叉碎魚肉

3)壽司飯放涼後~拌入飯素及粟米

4)拌好後再加入三文魚碎

5)用保鮮紙包大概一湯匙的飯~將佢定型~~即成~~~

雙色三文魚意粉 - 柚子醋漬三文魚+麵豉三文魚

其實..依個意粉係我亂做喇-___-..沒有睇任何食譜自己搞出黎的..嘿..不過米先生都好喜歡~因為柚子醋醃過的三文魚去了腥味~~有柚子的清新香味~麵豉三文魚則較濃味~~兩者雖然九唔搭八~不過賣相已經有90分..XD

食譜材料:

三文魚柳 1條

蘆筍 小許

意粉

柚子醋 

麵豉醬

1)將三文魚柳洗淨~切成片狀~~分別放入柚子醋及麵豉醬~醃10min

2)平底鑊,中小火,不用下油,將三文魚煎熟~~

3)煮好意粉..

(依個係柚子醋既三文魚~~)

(依個係麵豉醬的~~)

4)煎完三文魚既鑊~加入小許蒜炒起意粉,加入蘆筍或西藩蘭花,,即成

熱香餅

每朝都要有一個美好既早晨~最不能缺小既當然就係美好既早餐啦啦啦~~~!!!米先生上星期番夜班..太太我每朝早就整定早餐等米先生放工番黎食早餐~~(其實係"晚餐"..)而家出去食個早餐同午餐真係好鬼貴...郁D都$30up..以前初初出黎做野食早餐都唔洗20蚊....T_T,,,所以花小小時間自家製~~一定慳好多呢~~!!

食譜材料:(大約做4塊左右~)

低筋麵粉 100G

鮮奶 90G

雞蛋 1隻

砂糖 25G

油 8G

發粉 1茶匙

鹽 小小

1)將以上所有材料混合至無粉粒。

2)平底鑊用中小火塗上小許油..將粉漿慢慢倒入。

3)慢慢煎至出氣泡,然後反轉煎至不痴底即成。

南瓜麵疙瘩 - 麵包機

記得好早之前曾經做過薯仔麵糰這個產物..今次用的是南瓜~~

薯仔麵糰食譜看此~~~

南瓜比薯仔的更甜~~兩個都一樣好吃~~今次用麵包機幫手~輕易就做到麵糰真好~~如果唔係平時真係搓到人都癲-_____-""

食譜材料:

南瓜 250G
中筋麵粉 250G
鹽 1茶匙

1)先將南瓜切件,放入焗爐200度焗15分鐘,焗至軟身,用叉壓成南瓜蓉

2)將南瓜蓉,麵粉,鹽全放入麵包機,用攪拌模式等佢慢慢攪.....

3)攪好後..取出都糰..在枱上灑上麵粉,將南瓜麵糰搓成條狀,切小件~~

4)煲好滾水,下小許鹽及油,將切件的南瓜麵糰放入,煮至浮面即成!


加入煙肉,忌廉及蘆筍~就可以整一個PASTA喇~如果俾小朋友食可以試下一半用薯仔一半用似瓜~做兩隻色麵糰~食得仲開心~~

煙肉卷

有時望住堆飯盒..都會諗下點樣裝置可以拎佢靚D豐富D...煙肉卷就係一個好幫手..
除左煙肉~用其他肉片都冇問題~卷住蘆筍~車厘茄或者係菇類~成個隻盒就會靚哂=]

材料:
煙肉 3~4片
車厘茄
蘆筍

1)將車厘茄洗淨~蘆筍切兩份或3份左右,煲滾水煮一煮。
2)煙肉切一半,將車厘茄及蘆筍卷住,用牙簽篤好。
3)用焗爐或光波爐焗10分鐘至煙肉變色即成。


配埋雞翼同炒茄子,咁就一餐喇=]

匈牙利燉雞肉

上次因為整燉牛肉所以買左1枝紅椒粉番黎，正係到諗緊除左牛肉之外，可唔可以試下做其他肉類或者餸呢…上網翻左好耐食譜，研究左一陣終於俾我試做好喇=P

食譜材料:
原味乳酪 半杯
雞扒 1片
番茄 1個
洋蔥 半個

雞扒醃料:
紅椒粉 1茶匙
味醂 小許
生粉  1/2茶匙
鹽 小許

1)雞扒切件,放入調味料醃至少15分鐘。
2)蕃茄及洋蔥切粒狀。

3)平底煲下油，用中火將洋蔥炒至透明，加入蕃茄同炒（可加入小許乾香草同炒）

4)加入醃好既雞扒同炒。

5)待雞肉煮熟好加入半杯乳酪拌勻，即成。

焗雜菜千層麵

唔知大家番工放工都有搭巴士既習慣~?米太因為住處沒有港鐵服務~所以每日番工都會搭巴士~而我每日都會留意巴士上面既螢幕上播既節目~~今次既食譜就係係巴士到睇番黎架喇!亦都花左小小時間就可以係一個食譜網站搵出黎~就係 Day Day Cook喇~佢既食譜有d有視頻~有片可以俾你睇住佢點整..更加易學!!

今次既食譜因為係整俾米先生帶飯用~因為如果係剩菜無肉無澱粉質的話~相信米先生會有d唔習慣~~於是係雜菜中間加左2~3層既千層麵~蕃茄加左小半碗既免治肉~~就成為左千層麵既食譜喇!

食譜材料:

蕃茄 2個
南瓜 1/6個
翠玉瓜 半條
茄子 半條.

蒜蓉 1匙
鹽 小許

1)先用新鮮蕃茄做左蕃茄汁先...然後加入肉碎*蕃茄汁做法請看舊POST!!蕃茄汁食譜連結~~

2)將翠肉瓜~茄子~南瓜切成片狀~~加入小許鹽小許黑椒及橄欖油拌勻

3)將千層麵用滾水煮至微軟身~~
4)將材料一層一層放上~~

我的次序是翠肉瓜~茄子~南瓜~千層麵~肉醬~再重覆至盤滿~~~

5)預熱焗爐10分鐘~~用200度火焗20~30分鐘即成~~

或

6)如果用光波爐的話請蓋上錫紙~~用200度焗40~50分左右~用筷子試試篤唔篤得入(即南瓜軟身未....)OK的話就成了!!

芝士焗茄汁蟹肉意粉+粟米丸子(現售)+木耳煮物

其實成日睇好多日本便當既食譜網同埋書，都發現佢地好鐘意一個便當盒入面有3~4個餸做組合~例如沙津+煮物+肉+主食咁樣...不過因為米先生其實麻麻地鐘意食沙律，而且佢喜歡先番熱飯盒先食，為免有一日佢會將沙律都掉埋入微波爐，我都冇刻意用將沙律放入…取而代之既就係兩款既煮物…粟米丸子係現售既，係超市就買到…主要用途係裝飾XD

芝士焗茄汁蟹肉意粉
http://cammyinkitchen.blogspot.hk/2014/06/blog-post.html

其實同之前個食譜參唔多..只係將佢放左入飯盒,同埋加左一層芝士焗左，如果有興趣就按連結飛過去吧！！

木耳煮物

木耳　2~3朵
獅子狗  2條
蘿蔔 半條
和露　10ML

1)蘿蔔，木耳切絲
2)用小許油先炒起蘿蔔絲及木耳絲，再加入獅子狗。
3)倒入和露，以小火加蓋煮5分鐘煮蘿蔔絲變軟，即成。

偽韓式拌飯

尋晚臨訓前，見到新聞高雄既連環爆炸，真係覺得好恐怖，上次同老公去旅行既時候，都去過高雄依個地方，俾我既感覺係一個好清靜好休閒既地方，而且人情味很重，見到而家炸到成地都爛哂，死傷慘重。真係覺得好心痛……剛剛發生飛起的事故後又發生氣體洩漏既爆炸事件。。。希望台灣人振作…加油！天佑高雄……

依個便半係參照小小米桶的食譜做的。。當然味道同賣相比起真正街外的還差好遠，不過剩睇樣真係相當美好…

今次用的材料除左以上看到的～～仲試做左佢既醬汁～因為米先生唔食辣～但係佢既辣醬味就係韓式飯既靈魂～只好輕手輕手輕輕手落左半茶匙～然後加入醃肉汁及１茶匙生粉~就變成自調醬汁~~~!!!同街食既醬汁有相似!!!亦好推介右圖依個韓式醃肉汁,,

價錢平..大概係HKD$23左右1枝JUSCO或大型惠康有售,尖沙咀韓國食品店有大枝裝!(冇睇價錢)

味道亦好!之前就試過用佢黎醃牛仔骨及肉片,,相當相當好味!! 味道偏甜..同日式既燒汁有分別~~

食譜材料:

肥牛肉 1PACK

蘿蔔

菠菜

大豆芽

茄子

1)留肉加醃肉汁醃一會。

2)大豆芽用熱水過一過，去左大豆芽腥味！

3)蘿蔔切絲，亦過一過水變軟。

4)牛肉煎熟，菠菜加小許麻油炒熟，蘿蔔和大豆芽亦分別炒熟。

5)砌埋..成.......

汁料:

煎牛肉後的肉汁，加入一茶匙辣醬及醃肉汁，生粉１湯匙，煮滾至杰身。即成。

因為有糖分好易濃底…用木匙一邊攪一邊待杰身。