快速炒年糕

我家雪櫃長期有一包年糕係到..因為屋企只有我鐘意食年糕~米先生係唔食年糕的~所以買一包番黎可以食好耐....今日就整左個清雪櫃炒年糕俾自己做早餐XD方法又快又簡單..w

腸仔 3條
泡菜 小許
年糕 1碗
韓式辣醬 1茶匙
韓式醃肉汁 10ml.
半碗水

1)腸仔切粒,同年糕一齊放入平底鑊同炒~

2)加入泡菜辣醬及醃肉汁,再加半碗水，拌勻,加蓋以中火煮5分鐘至年糕變淋身~食得w.

不得不介紹依個醃肉汁!!調味一流!!!!!
而家大型超市惠康~吉之島都有得賣!