海鮮忌廉燉飯

燉飯同意大利飯有咩分別呢?分別咪就係我唔係用意大利米囉= =今次做既燉飯係用珍珠米做，用料煮法都係好簡單好簡單，閒時出街食個好食ｄ既意大利飯都要過百咁制～不如試下自己做啦>w<

食譜材料：

大蝦 4~5隻
蜆肉 1盒(係惠康買果D..)
三文魚柳　1片
魷魚　1條
意大利米　１杯

淡忌廉50G

洋蔥　半個

白酒 3湯匙
鰹魚粉　10G+水600ML
芝士碎 適量

1)海鮮洗淨，出水（出水時可以落1茶匙鹽)，瀝水之後用胡椒粉,小許酒及鹽醃。
2)洋蔥切粒
3)平底煲放入牛溶，等溶之後放入洋蔥炒香，再加入已洗既珍珠米（可以唔洗都得@__@))及一半鰹魚粉加水拌勻,等米慢慢收水，再加另一半，收小火等佢慢慢煮。
3)等大概５～10分鐘左右，其間可以用木匙拌一拌底。
4)待米煮到8成熟時加入海鮮，拌勻炒熟。
5)最後加入淡忌廉及芝士拌勻食得=P


＊其實過程再簡單都得,落油，炒洋蔥，放埋米，加上湯,煮熟飯，加海鮮，炒熟，加忌廉，芝士~~~食得wwww咪就係咁咋嗎= =唔正宗姐w
＊海鮮可以轉其他都得～～隨你喜歡啦～～
＊冇鰹魚粉其實上湯都得～～當然～～～雞汁都得架～～～～～～～～～

芝士麻糬波波

有一排去到麵包店，對果種迷你型既麵包好有好感，覺得佢好得意好可愛，由其是係芝士麻糬波，我一定會買黎食，果日行二德惠見到有預拌粉，手痕痕買左包黎整，wo~~同出街買既一樣=p，自己加可可粉或者綠茶粉都得呀！！！

食譜材料：

麻糬波預拌粉 250g

奶(我用低脂) 200ML

牛油 40G

雞蛋 2隻

芝士碎 50g左右

1)      牛油溶成液態，將以上所有野隨左芝士mix左佢～攪勻～

2)      放入雪櫃雪5分鐘，俾佢定型。

3)      光波爐190度預熱5分鐘。

4)      取出加入芝士拌勻，搓成一個個波形，放係已掃油既錫紙，或牛油紙上。

5)      以180度焗10分鐘，反轉再焗5分鐘，即成。

＊唔同款光波爐耐熱到有別，我既時間不能作準！

三文魚麵豉忌廉汁意粉

啊~~人妻依幾日放大假,,懶懶閒食左3日3夜,,(放心~遲D會有食評!!)今日終於捨得行埋部電腦到打BLOG~XDD
今次整既都係意粉~飯盒用又得~~即食都得~當然即食好食過飯盒好多啦@__@
通常意粉俾人既感覺離唔開茄汁同埋白汁~今次用忌廉汁加左麵豉~味道鹹鹹香香入口滑滑配本身帶油既三文魚同埋本菇真係VERY GOOD~
今次仲專登買番上次係美食展食過好好食既本菇黎整~原來吉之島特價$9.9!!!買啊～～～～～～～～

食譜材料：
三文魚柳 1片
意粉
本菇 半包

淡忌廉 50ml
麵豉 1茶匙

1)平底煲加入水,油,鹽煮熟意粉(包裝袋-2分鐘),備用
2)平底煲以中火加入三文魚煎熟，用叉叉鬆，加入本菇同炒，加入淡忌廉，麵豉拌勻～
3)最後加入意粉同煮，即成

香草薯蓉焗田螺

香草薯蓉焗田螺

依樣野，基本上係我每次出街食西餐都要食，因為充滿蒜蓉味既田螺肉配埋滑滑既薯蓉．．．正呀…果日行超市見到現成可以買到殼同埋罐頭螺肉賣，之前就有見過其他地方有幫你釀埋既賣（不過唔記得左係邊到買……）,當然兩者各有千秋啦…但係我仲未搵到邊到有急凍既田螺肉賣~~有冇人可以幫我呀～～～

因為罐頭螺肉果隻罐頭水味太勁…我自己好麻麻，雖然老公話ok，不過我自己就認為唔合格><

食譜材料:

薯仔中型　1個

淡忌廉　10ML

蒜蓉牛油　1茶匙

黑椒，鹽　小許

田螺肉+殼　隨意

蒜蓉牛油　

麵包糠

1)      先將田螺肉出水，薯仔切件或片狀隔水蒸15MIN至淋。

2)      將薯仔壓成薯蓉，加入淡忌廉,蒜蓉牛油,鹽等調味料並拌勻備用。’

3)      田螺肉用小許牛油炒香，盛起備用

4)      蒜蓉牛油加入麵包糠拌勻，將田螺肉放入殼內，並用茶匙放一小匙蒜蓉牛油上田螺殼上。

5)      薯蓉放進焗盤或錫紙兜內，放上已釀好既田螺，曬上麵包糠，放入焗爐/光波爐以180度焗8分鐘至麵包糠變金黃色，即成！

焦糖燉蛋 - 光波爐

焦糖燉蛋 (光波爐食譜!!!)

食譜材料：

蛋黃 2隻

淡忌廉 200ML　(可改做淡忌廉100ML，鮮奶100ML，但…全淡忌廉好食Ｄw~)

砂糖 25G

1)      蛋黃+糖攪拌，打至淡黃色

2)      平底煲小火煲起淡忌廉，微微起泡就熄火

3)      淡忌廉慢慢加入蛋黃+糖既混合物，攪拌

4)      用匙隔走泡泡，過篩兩次，倒入杯內

5)      光波爐底部加水，放入底架250度預熱5MIN

6)      用低架，蒸碟盛紙杯放入光波爐，用錫紙或另一隻碟蓋面，190度焗10MIN

7)      曬上小許糖，再用180度焗5MIN，即成

彩色便當 蕃茄炒蛋+椰奶雞翼+簡易菜飯

彩色便當 蕃茄炒蛋+椰奶雞翼+簡易菜飯

想做一個彩色飯盒唔難，只要揀好唔同顏色既材料合併，就會成為一個又靚又好食既飯盒，今次個飯盒係簡單小菜款，蕃茄蛋係好日常簡單既小菜，椰奶雞翼用光波爐焗製，唔油之餘又微微既椰香，菜飯係簡易版，但係煮出黎又香又有菜食，夾埋簡直係一絕呀！！

蕃茄炒蛋食譜材料：

蕃茄　2個

蛋　2隻

雞粉　小許

糖　小許

1)      蕃茄底部介十字，滾水烚一會去皮（如果你想食蕃茄皮的話可以撇走依步）

2)      將蛋炒至半熟盛起（因為會再煮，所以唔洗煮太熟）

3)      蕃茄去皮，平底鑊下小許油，將去皮蕃茄完個掉落去！！！(唔好切!!!!!!)

4)      用鑊剷將蕃茄隊開（對唔住…我諗唔到其他更加合乎動作既字詞）

5)      用小火慢慢煮，落糖及雞粉（唔雞粉可以鹽）炒勻，加入炒好既蛋兜兩下，即成。

＊    我用完個蕃茄煮，係用番蕃茄本身有既水份去煮，唔係另外再加水去煮，如果切開，就會流走哂蕃茄本身既水份。

＊    如果蕃茄本身夠甜，連糖都可以唔洗落！

椰奶雞翼食譜材料：

雞翼　10隻(左右啦~~)

醃料:

椰奶　120ML

花生醬 1大湯匙

料理酒 小許

花奶20ML

1)      雞翼用叉係上面吉幾下方面入味

2)      醃料全部撈埋，雞翼掉入去醃１晚（最小半個鐘……）

3)      雞翼放係焗盤，光波爐220度焗8MIN反轉再用180度焗5MIN，即成

簡單菜飯食譜材料：

飯　１碗

小唐菜　２棵

薑　兩片

濃湯寶雞湯味　半粒（對唔住…姐係雞汁ww唔好笑我！！！！！！！）

1)      小唐菜洗淨切粒，薑拍扁

2)      平底鑊下小許油，先落薑略炒,再將菜粒掉落去用小火炒

3)      炒至小小變色後下濃湯寶，然後加入飯兜勻，即成

焦糖菠蘿配檸檬汁吞拿魚沙津

食譜材料:

菠蘿 2塊（姐係兩個圈圈）
牛油 1茶匙
糖  2茶匙

沙津菜 一堆
車厘茄  幾粒
青瓜  隨意<<因為我唔鐘意食XD

吞拿魚罐頭 4分1罐
檸檬汁 小許
黑椒 小小

做法
1)先將菜，青瓜同車厘茄洗淨，切成你要既SIZE，菠蘿切成粒狀
2)吞拿魚用叉叉鬆，加入檸檬汁及黑椒拌勻
3)平底鑊開小火放入牛油，溶解後加入1茶匙糖,然後放入菠蘿以小火慢炒，待有小許變色再加入另1茶匙糖，慢火煮到菠蘿變淡啡色即成!!