椰汁年糕

恭喜發財！馬年要乜有乜！
身體健康！加薪加薪(?)！

好．．言歸正傳，今日已經係年初五，米太太我因為出智慧牙既種種因素，食唔落，訓唔好，唉！所以今年大家都係祝我身體健康把啦T__T話說本黎都係唔諗住整年糕既我，到最後手痕既關係整左椰汁年糕！比想像中容易！而且整到出黎同係街既分別唔大啊！！！出年糕都唔洗買啦good!!

食譜係參照鬼嫁的食譜，簡單，口感都係煙煙un un，太好食喇～～T__T滾動中...
以下食譜係我既用料~~步驟跟鬼嫁食譜的一樣!我用既係兩個美心糕兜兩個6"左右啦!

材料：

糯米粉     400g

澄麵    100g

水     200ml

椰奶     400ml

冰糖     200g

油     1湯匙

1)煲滾200ML水煮滾冰糖加入椰奶熄火放涼。

2)糯米粉+澄麵過篩，加入放涼既糖水，攪勻。

3)粉漿再過篩，令其變幼滑。

4)模具掃油，倒入粉漿，蓋上保鮮紙，以中大火蒸１小時。筷子篤入無黏粉漿即成！

＊冰糖方面我建議揀易煮溶的…我做左兩次用左兩種冰糖，第二次的冰糖煮好耐都唔溶！！！減小左水既份量（蒸發）到後期先發現…T_T第一次用的係御品皇冰糖，超市買到的！*片糖庶糖都得..砂糖唔知XD下次可以試!!!

＊蒸既時候可加可減，用筷子去斷定吧！

＊保鮮紙要用可耐熱的！保鮮紙可以擋隔倒汗水，唔好滴到糕面豆皮啊！

＊澄麵係雜貨舖有買！讀"鄧"不是"情"，我已經_左一次…= =