陶罐風野菜糕/野菜蒸蛋

又到米先生一連4天都要帶飯既日子...
已經好耐冇好好整理米先生既飯盒..懶到有時只係用各種小炒填塞飯盒就算...(凍丫嗎...)
亦避免米先生投訴..參考好多食譜同書籍去嘗試整下新野~~
陶罐風野菜糕~我會叫佢做野菜蒸蛋~因為佢真係蒸蛋加蔬果,顏色鮮艷不在講~
清到屋企雪櫃多種蔬果先係重點~~做法唔難而且好食!!方便!!清雪櫃!!(重點?!)
我做既當然係醜樣版..因為糕模較大..屋企又只有4隻蛋ONLY.加左小小水做水蛋= =
色淡左而且氣泡又多左..下次整真係寧願加多隻蛋好過!!千奇唔好學我= =
而且因為買不到蘆筍~~用左菜芯代替.................咩姐= =都食得架嗎!!!!

參考食譜是酪梨壽司的廚房~~~
http://www.cwyuni.tw/blog/post/30135408
還有masa老師的網頁~~大家搜一下就搵到~唔轉post喇!!

食譜材料:
蘿蔔 1條
南瓜 4分1個
菜芯 6條
蛋 4隻

1)食材洗淨切條或片狀

2)以大火將全部蔬果蒸至軟身(5分鐘左右)

3)打勻4隻蛋,加入小許鹽
4)蒸模包好耐熱保鮮紙,倒入蛋,然後加入以蒸好既蔬果,
5)以大火蒸至水滾後,調至小火蒸10~15分鐘(要睇你個模有幾深囉...~~!!!)
6)放涼,切開,食得w


到我有心機整多一次我會更新相....must!!!!!!!!!!!!!!!!!!!!!!!!!