白汁雞皇意粉

快餐店MENU必定會出現既食物-___-..白汁雞皇意粉...老老實實~出街食過咁多次依D意粉~印象除左係淋PATPAT一堆野咁..真係諗唔到其他字可以形容..都係自己整把啦~~分分鐘落重料都仲平過你出街買!!而且學識左整依種白汁..基本上你已經係萬能!!!

材料:
雞扒 1片
西蘭花 數棵
意粉 適量

牛油10G
麵粉10G
鮮奶 150G

調味料:
胡椒小許
鹽小許

1)先將雞扒切件,用胡椒及鹽醃一會。
2)西蘭花洗淨,切小棵。
3)將雞扒及西蘭花煎至金黃色,備用。
4)平底煲抹乾淨,唔好有水及油,,以小火,放入牛油,等佢慢慢溶化。
5)牛油完全溶化下離火,慢慢加入麵粉..拌勻成麵撈。
6)慢慢邊攪拌邊加入鮮奶...回火用慢火煮至杰身。即成白汁
7)白汁加入調味料,雞肉及西蘭花,煮至材料全熟,即成!