菇菇炊飯

如果要食炊飯，配料走唔甩既一定係各種各樣既菇菇，因為菇菇炒過後果種香味再擺入飯焗，筆墨難以形容！今次我冇用電飯煲只係用左普通既煮食爐同埋煲，份量方面，因為我喜歡較濕身既炊飯，但又不能爛飯，於是用左珍珠米，煮既時間只係20分數內！方便！清雪櫃！好食！

食譜材料：
蘿蔔 半條
本菇菇 1袋
雞脾肉 1塊
芋絲 1盒

調味料:
鰹魚粉 10g
和露 20ml
水 2~3碗
米 1+1/2 cup

1)菇菇抹乾淨，切根部搣開，蘿蔔切絲，雞脾肉以鹽略嫌一會，芋絲沖水。

2)將以上配料以中火略炒，加入小許鹽及和露。熄火備用。

3)米洗淨，放入煲內，炒過配料鋪面，加入水+鰹魚粉+和露至蓋過米面。

4)上蓋以大火煲滾5分鐘,然後轉至小火15分鐘，取起蓋將飯及材料拌勻即成。

＊如果想要乾身ｄ，熄火後唔好開蓋等耐Ｄ！
＊＊＊＊＊唔同份量，煲同埋爐火都有唔同時間！以上時間實屬參考！
＊我用熱水開勻左鰹魚粉先加入，原理同上湯一樣，因為係熱水所以我煮既時間小左。

蛋黃醬芝士焗菇菇

依個菇既食譜同先前出過既菇食譜雷同，不過因為今次太邪惡加左芝士同沙津醬．．．！！嘩！！！！死未？！仲要係宵夜黎架XD(說好的減肥呢= =||||||||)

食譜材料:
大菇
沙津醬
芝士碎
煙肉粒

1)菇菇抹乾淨，緊記唔好用水洗！！！！

2)將材料隊哂上菇菇上面，焗爐／光波爐焗至芝士溶，菇縮水就食得！

南瓜沙津三文治

啊～～又係南瓜～對～因為一個南瓜煮得１半當然仲有另一半啦w南瓜的煮法多元化到不得鳥~~所以早午晚甜品都食南瓜也是可行的!!不過因為佢始終都係澱粉質~好易就會飽肚~我自己最喜歡用綠色皮南瓜～～一般在大形超市就有售~有時更會有半個，迷你的賣～～如果屋企得2個人~半個已經夠食兩餐@__@

一般黎講我認為綠皮南瓜的肉煮起黎會好粉，至於街市賣長條既果種纖維比綠皮南瓜多，未買過橙皮所以唔知w至於我第一次買南瓜番黎煮，因為南瓜皮是超硬好難切，除左睇書學既斜切，我上網搜過好多網頁都教先原個南瓜放去鑊蒸，再出黎切就會易切好多，不過我未試過，但係依個方法點都有道理過用神力去切w會手痛～而且好易切親手指@口@

食譜材料:

南瓜 半個
蛋 2隻
煙肉 兩塊
沙津醬 適量

1)南瓜切粒，以大火蒸15分鐘至淋，蛋兩隻烚熟，煙肉剪成粒狀，以平底鑊煎熟。
2)南瓜用叉壓成粉狀，蛋白切粒，蛋黃用碗盛住放涼待機，煙肉置涼。
3)待全部食材放涼後，先將蛋黃混各沙津醬及小許鹽+黑胡椒混合，加入南瓜，蛋白及煙肉MIX，放在麵包上夾好即成。

＊唔食蛋黃的話整走佢就OK,,,可以就咁用沙津醬混合各種配料。
*＊食材一定要放涼先可以混合，如果唔係沙津醬會出油！！
＊

煎南瓜餅（鹹食，內含免治肉）

南瓜，被譽為好有營養既瓜類，以下節錄於Google搜尋的網站:

南瓜與其他疾病的關係

南瓜所含的稀有元素，可促進體內胰島素的分泌而加強葡萄糖的代謝，南瓜的纖維可幫助腸道多餘的糖排出體外，而且吃南瓜易有飽足感，對糖尿病患者尤佳；β-胡蘿蔔素除可防癌之外，還具有保護心臟、血液系統的作用，並增強黏膜及皮膚的健康與抵抗力，但如果攝食過多的南瓜，會因維他命A儲存在肝內，而造成膽汁不容易排泄，使皮膚看呈現黃色；所含的鈷是構成紅血球的重要成分之一，鋅則可維持紅血球的成熟，故民間因而有「南瓜補血」之說法。

總而言之，南瓜的營養多到數唔哂，如果有興趣自行打南瓜+營養就搜到，我唔多野講鳥= =亦因為早前係新聞有報導翠肉瓜多吃會致癌？！媽啊難得米先生肯食既瓜菜類就係小到諗唔到，竟然發一個咁既新聞搞到我要搵野頂替，okok，偏食小孩就係依個世界上最麻煩既生物= =於是近排南瓜類既煮菜都煮多左，除左好早前發文既南瓜忌廉意粉，今次就做左南瓜餅，如果上網搜南瓜餅既食譜多數以甜食既南瓜軟餅為首，不過今次我依個係鹹食。

食譜材料：

綠皮南瓜　半個

免治肉 120G

調味料:

鹽

生粉

胡椒粉

1)南瓜去皮切粒，隔水蒸１５分鐘，用叉叉成泥狀。

2)免治肉加入調味料打至起膠，

3)南瓜泥加入免治肉拌勻。

4)平底鑊以中火加油,用匙將南瓜混合物放在鑊上，並輕壓成餅狀。

5)煎至兩邊金黃色，即成

＊唔用手搓成形狀先煎係因為南瓜泥有水份，即使加入左免治肉同埋調味料都好黏手，所以用匙直接放上平底鑊整形係最快最方便的。

＊免治肉我係用豬肉，因為油粉較多煎出黎較香口，相反牛會較乾！

＊食既時間配埋豬扒醬酸酸甜甜仲好食啊>W<