淡忌廉咖哩雞肉蝴蝶粉

我好鐘意蝴蝶粉，但不常煮，因為佢比其他普通意粉貴(過份慳家一一||||)，但係前幾日因為係餐廳見到人地整左蝴蝶粉沙津，我覺得好靚，睇到好開心（雖然味道一般～）但係食野既時候，除左好味睇得開心都會令餐飯加分十倍，於是就把心一橫買左包蝴蝶粉煮俾老公帶飯食。買到番黎又R頭，點煮好呢？早幾日老公帶飯先食完三文魚忌廉汁意粉，普通忌廉汁基本上經常煮（因為快又簡單～）望住屋企廚櫃又因為病得太耐，冇咩放左係到，見到有咖哩粉…於是黎個新配搭～～濃濃香香既咖哩～配又香又滑既忌廉汁．．．．竟然好好食＊v＊

對唔住老公～你又做左白老鼠添 XD~~

食譜材料:

蝴蝶粉 適量
雞扒 1片
大蝦 數隻
西蘭花/彩椒 適量

咖哩粉 1茶匙
淡忌廉 50ML

1)平底煲煲滾水加入油和鹽，煮熟蝴蝶粉備用。
2)雞扒切絲用小許鹽及半茶匙咖哩粉醃一會，西蘭花切小棵，彩椒切絲，大蝦去殼。
3)平底鑊下油,先將雞肉炒熟，加入大蝦，彩椒及西蘭花及小許鹽同炒，再加入蝴蝶粉同炒。
4)材料轉色（姐係熟左…）後，加入咖哩粉炒勻。
5)轉小火加入淡忌廉拌勻至淡忌廉轉淡淡黃色~~即成。

＊如去到步驟4加咖哩粉嫌唔夠色可以再加1茶匙，因為蝴蝶粉份量多就可能令到咖哩唔夠色。

忌廉粟米雞湯

罐頭湯就飲得多，自己煲就足料又好飲，係街市買條粟米番黎去芯，將粟米放落攪拌器打成蓉加依樣果樣就成喇．．老公同我10分鐘清哂= =...我想自己飲都冇得飲...如果落小D上湯仲可以用黎做粟米肉粒飯，唔洗再用罐頭整健康得多！！

食譜材料：

雞扒/雞脾肉/雞胸肉 半塊
粟米 1條/罐頭粟米蓉 1罐
白菌 5~6粒
淡忍廉 150ML
雞湯 100ML
洋蔥 半個

1)洋蔥切粒,雞扒切絲,白菌切片,粟米去芯一半放入攪拌器打成蓉留一半完整粟米。
2)平底煲以中火下小許油炒洋蔥至透明,落雞肉略炒,再加入白菌

3)加入粟米及粟米蓉攪拌，慢慢加入雞湯，調至你想要的杰度，煮滾

4)轉小火,加入淡忍廉,拌勻,完成!

（奶白色～～）

（攪拌後會轉成奶黃色～～～～）

＊如果喜歡口感較"蓉"的,步驟1可以唔洗攪粟米，直接落鑊炒香洋蔥粟米白菌加雞湯,放入攪拌器打成蓉,另外再加淡忌廉,亦都係另一種味道～～隨你喜歡
＊湯既稀杰度用雞湯你調配~100ML只係參考,如果依然都係縑較杰可以再加水或雞湯。
＊我用既係雞脾肉，有皮，所以有油煎得較香，健康Ｄ既可以用雞胸肉，油份較小！